Home Ligi EPL Pep aweka bei ya De Bruyne hadharani na aingilia kati suala la...

Pep aweka bei ya De Bruyne hadharani na aingilia kati suala la Sterling

45948
0

Kati ya roho za klabu ya Manchester City hivi sasa ni Kelvin De Bruyne, ukimgusa De Bruyne baasi utakuwa umeigusa Man City na huyi ni mfalme haswa katika klabu hii.

Lakini hakuna kinachoshindikana mbele ya pesa, kocha wa klabu ya Manchester City Pep Gurdiola ametaja pesa ambayo mtu akiifikia anaweza kumpata Kelvin.

Pep amesema katika mkataba wa KDB (release clause) yake ni £223m lakini akasema sio rahisi wao wakamuuza hata kama kuna mtu yeyote ambaye atafikia kiasi hicho cha pesa.

Kwa sasa De Bruyne yuko nje ya uwanja akiugulia majeraha ambayo yatamuweka nje kwa takribani miezi mitatu huku msimu huu akicheza michezo miwili tu ya ligi.

Hapo hapo Manchester City kumekuwa na hali ya sintofahamu kuhusu mchezaji wao mwingine Raheem Sterling ambaye inadaiwa anataka nyongeza ya mshahara kwenye mkataba wake mpya.

Mkataba wa sasa wa Raheem unamfanya apokee £175,000 kwa wiki na unamalizika katika msimu ujao, na sasa Pep Gurdiola amewaambia mabosi wamalize suala hilo ndani ya mda.

Gurdiola anataka Sterling mkataba wake ushughulikiwe haraka ili nyota huyo awe bize na kucheza soka tu aachane na kuwaza masuala ya mikataba.

Manchester City wataendeleza kampeni yao ya kutetea ubingwa wa EPL msimu huu watakapoikabili Fulham hapo kesho katika uwanja wao wa nyumbani wa Etihad.

Comments

comments

LEAVE A REPLY

Please enter your comment!
Please enter your name here