Home Kimataifa Mbongo anayekipiga Zimbabwe afunguka anavyoteseka

Mbongo anayekipiga Zimbabwe afunguka anavyoteseka

14640
0
SHARE

Hivi majuzi kuna kijana mmoja alinitafuta akanielezea baadhi ya changamoto ambazo amekutana nazo hivi karibuni. Anaitwa  Dominicusius Kuhanga,  ana umri wa miaka 17. Kwa bahati mbaya sana sijamuona akicheza. Kwa kuwa sijamuona haimanishi kuwa nisimuongelee.

Kimsingi huyu jamaa anachezea kule Zimbabwe. Ni mtanzania anacheza klabu ya Aces youth soccer academy huko huko nchini Zimbabwe. Kwa maelezo yake na ya kocha wake na historia yake inaonesha ni mchezaji mwenye kipaji  na mwenye shauku na ndoto za kuitumikia Tanzania katika ngazi zote. Anasema kuna tatizo katika kufikia daraja hilo.

Ni heri upewe kipaza sauti uimbe tuseme nyimbo mbaya kuliko usipewe kabisa halafu tuseme nyimbo yako mbaya. Huyu kijana ameomba mara kadhaa nafasi ya kufanya majaribio timu za vijana na hajapewa majibu.

anasema hivi nanukuu, “Bro nimekuwa nikipambana sana kuhusu ndoto yangu katika akademi hii  na ninazidi kuimarika kila siku,,,,,, shida yangu ni kuhusu U-20 ya timu ya taifa,, Bro, nimekuwa nikihangaika kuwatafuta viongozi wengi wa TFF na kuwatumia taarifa zangu na kuomba kujumuishwa katika timu ya taifa ya vijana ili nifanye majaribio lakini mara zote wamekuwa wakikaa kimya tu, hakuna hata majibu, sasa mimi siwaelewi yaani kwanini hawatoi nafasi hizo au hata kusema hapana hakuna nafasi”

PATA KIFURUSHI

KUHANGA amezaliwa 27 Nov 2000. 

Amezaliwa na kukulia TABORA, TANZANIA

Vilabu vya hapo awali

KAISERS FC (Tabora 2012-14) 

CHIPUKIZI ACADEMY ( Tabora 2014)

MARA SPORTS ACADEMY (musoma 2015-2017)

Pia aliiwakilisha Tabora katika mashindano ya Copa coca Cola U-15 mwaka 2013 na 2014

Nilipomuuliza kuhusu safari yake ya Zimbabwe ilikuwaje alisema,

“Nilikuja Zimbabwe mwenyewe Tarehe 22 December 2017 kwa ajili ya kufuata nyayo za  (Khama Billiat) ambaye alianzia soka lake hapa AYSA na nilisafiri kwa kutumia ada ya shule niliyopewa na bibi yangu na baada ya kufanya majaribio wakaamua kunisaidia ingawa huku kuna ubaguzi sana wa utaifa hasa kwenye hizi akademi zao kwani lengo ni kwa vijana wa Zimbabwe tu.

Nikajaribu kumuuliza kama aliwahi kufanya mawasiliano na wahusika wa hapa tanzania akanijibu “Ndioooo,,,,,, niliwasiliana na mwalimu Bundala (trainee wa makocha TFF) Pia nimeshatuma sana email zangu kwenye Email ya TFF bila majibu, Nikamtafuta kocha Kenny Mwaisabula ila akaniahidi atashughulikia lakini tangu hapo hajibu meseji zangu kabisa” (kuhusu taarifa hizi za kuwasiliana na Kenny mwaisabula hatujathibitisha maana sijafanikiwa kumpata hewani)

Kwa hapa Tanzania ameshiriki Copa coca cola, Ligi daraja la 4, Ligi daraja la 3 ( Tabora na Musoma), pia aliwahi kusajiliwa na Milambo fc ( daraja la pili lakini hakuichezea )

Kwa maelezo yake ni kiungo wa katikati. Klabu yake kwa sasa inashiriki ligi ya taifa ya U-21 na pia wamefika hatua ya fainali ya kombe Zimbabwe Challenge league inayotarajiwa kuchezwa wiki hii.

Najua wapo vijana wengi mtaani wenye uwezo. Sio huyu tu. Wapo wengi mtaani. Tumekuwa na timu mbovu kwa kuwa tunaitana kwa kujuana. Wapeni nafasi vijana wafanye majaribio. Msiwapuuze kabla hamjawajaribu. Mchezaji yoyote akija msikilizeni mpen mpira mtaona tu kati ya tui la nazi na maziwa. Narudia tena huyu kijana simjui lakini najua hizi ni changamoto ambazo zipo. Namba zake ninazo, kwa mwenye mawasiliano na msaada wowote anitafute nitakuunganisheni nae nitafute kwenye 0763370020

Imeandaliwa na Priva (unaweza kunifollow Instagram kwa jina la Privaldinho)

Na usisahau kusbscribe Youtube channel ya Dauda Tv.

Comments

comments

LEAVE A REPLY

Please enter your comment!
Please enter your name here