Home Kimataifa Madrid Derby: Wanda Metropolitano kuandika historia hii leo hii

Madrid Derby: Wanda Metropolitano kuandika historia hii leo hii

3136
0
SHARE

The Estadio Wanda Metropolitano ndio uwanja ambao Derby ya Madrid itapigwa jumamosi hii, utakuwa uwanja wa 16 kuwahi kutumika kwa kwa ajili ya mchezo huu wa mahasimu wa jiji la Madrid.

Ni ukurasa mpya wa upinzani uliodumu kwa zaidi ya karne kwa vilabu hivi vya mji mkuu wa Hispania.

Tangu vilabu hivi vilipoanzishwa, mechi baina ya Atletico na Real Madrid zimechezwa katika maeneo yote yenye vikubwa jijini Madrid.

Kipindi soka likiwa ndio linaanza kutambulika jijini Madrid na Spain, viwanja vilikuwa ndani ya Jiji la Madrid. Atletico Madrid wakiwa wanategemea dimba la Athletic Club mnamo 1905, walikutana katika uwanja wa Hipodromo – uwanja ambao ndio Madrid walikuwa wakitumia wakati huo..

Baada ya hapo wakaenda kucheza viwanja vya Fuente del Berro na Campo del Retiro, uwanja wa kwanza wa nyumbani wa Rojiblancos (Atletico).

Halafu uwanja wa Estadio O’Donnell, ukawa unatumika kwa mechi za nyumbani za ugenini, kwa timu zote, kama ambavyo Milan na Inter wanavyoutumia uwanja wa Stadio Giuseppe Meazza.

Dimba la Velodromo Ciudad Lineal lilitumika kwa ajili ya Derby mwaka 1923 kabla ya Estadio Chamartin na baada ya hapo uwanja wa mwanzo kabisa wa Estadio Metropolitano.

Vita vilikuja kuuharibu uwanja huo wa Atletico na ikawabidi waende kuhamia kwanza Campo de Vallecas na… baadae Chamartin.

Mpaka kufikia katikati mwa karne iliyopita timu zote zikapata viongozi/ maraid ambao walikuja kufanya mapinduzi na kuzipa mwanga timu hizo.

Hapo ndipo Santiago Bernabeu na Vicente Calderon vikajengwa na kuanza kutumika na vilabu hivyo.

Derby ya Madrid ndio mchezo ambao umejirudia sana katika soka la Hispania na pia umekuwa ukichezea mpaka nje ya mipaka ya nchi hiyo.

Katika michuano ya ulaya mwaka 1959, uwanja wa La Romareda ulitumika kwa ajili ya mchezo wa nusu fainali wa Madrid Derby. Lisbon ukafuatia mwaka 2014 katika fainali na 2016 mtanange huo ukapigwa tena Giuseppe Meazza.

Comments

comments

LEAVE A REPLY

Please enter your comment!
Please enter your name here