Home Kitaifa ‘Najituma kwenye soka nipate pesa za kumtunza mdogo wangu’ – Kabunda

‘Najituma kwenye soka nipate pesa za kumtunza mdogo wangu’ – Kabunda

27596
0
SHARE

Na Zainabu Rajabu

MOJA ya sababu inayomfanya kiungo wa Mwadui FC ya Shinyanga Hassan Kabunda kucheza soka kwa kujituma ni kutafuta pesa kwa ajili ya kumsaidia mdogo wake kike ambaye ni mlemavu na anamtegemea kwa sasa.

Tangu Kabunda asajiliwe na Mwadui FC ya Shinyanga akitokea timu ya Asanti United ya ligi daraja la kwanza, amekuwa na msimu mzuri katika ligi kuu na kufanikiwa kutikisa nyavu mara 6.

Shaffihdauda.co.tz. ilimtembelea Hassan Kabunda nyumbani kwao na kupiga nae stori kadhaa kuhusiana na maisha yake ya soka ambapo alisema: “Nimekuwa najituma na kupambana katika maisha yangu ili niweze kumpa maisha mazuri dada yangu kipenzi Noun Kabunda ambaye amekuwa ndiyo furaha yangu pale ninapo muona akitabasamu.”

“Ninapo muangalia dada yangu katika hali aliyonayo naumia sana lakini huwezi kumkufuru Mwenyenzi Mungua kwa livyomuumba, napambana ili niweze kumtimiza mahitaji yake nikiwa kama kaka mkubwa.”

Kinda huyo amesema, amekuwa akivutiwa na uchezaji wa Farid Mussa anaekipiga katika timu ya Tenerife ya nchini Hispania, huku akisema ni mchezaji ambaye anaweza kujilinganisha nae kutokana na kwamba wote wanacheza katika nafasi inayofana.

Mdogo wake Kabunda ana ulemavu wa viungo ambao alizaliwa nao na kaka yake (Hassan Kabunda) anapambana kwenye soka ili kupata pesa za kuweza kumtunza na kumpatia mahitaji muhimu.

Endelea kufuatilia www.shaffihdauda.co.tz ili kujua mengi zaidi kutoka kwa winga huyu chipukizi aliyeitwakwenye kikosi cha Taifa Stars kilichocheza mechi za kirafiki dhidi ya Botswana pamoja na Burundi.

Comments

comments

LEAVE A REPLY

Please enter your comment!
Please enter your name here