Home Kitaifa Ngasa amezungumzia kuhusu kutokea benchi Mbeya City

Ngasa amezungumzia kuhusu kutokea benchi Mbeya City

976
0
SHARE
ngasa-2
Na Zainabu Rajabu
BAADA ya kutoka sare dhidi ya Azam, mshambuliaji wa Mbeya City FC Mrisho Khalfan Ngasa amesema mchezo ulikuwa mgumu kutoka na wapinzani wao kucheza kwa umakini licha ya kukosa nafasi nyingi za kufunga.
Ngassa ambaye alivunja mkataba wake na klabu ya  Free State  Stars Football Club  ya Afrika kusini kwa madai kwamba hawezi cheza timu ambayo haichukui ubingwa alitimkia kwenye falme za Kiarabu na kujiunga na Fanja FC ambako pia hakudumu kabla ya kutua Mbeya City.
Akizungumza baada ya mchezo wa Azam vs Mbeya Cuty kumalizika Ngasa alisema, mchezo ulikuwa wa kukamiana sana huku wakitengeneza nafasi nyingi lakini uimara wa beki ya Azam iliyokuwa  ikiongozwa na Agrey Morris ilikuwa makini kuokoa mipira yote ya hatari katika lango lao.
“Malengo tuliyojiwekea ni kumaliza mzunguko huu katika nafasi ya tatu na kuhakikisha mechi  zetu zilizobakia tunashinda na hilo tumedhamiria kujituma na kupambanana kadri ya uwezo wetu,” alisema mshambuliaji huyo wa zamani wa  timu ya Yanga.
Ngasa ambaye amezichezea Simba, Yanga na Azam alisema, hashangai yeye kutokea sub ila ana amini ipo siku kocha wake atampa nafasi kwenye kikosi cha kwanza: “Ipo siku kocha wangu Kinnah Phiri ataona uwezo wangu na kunianzisha katika kikosi cha kwanza.”
 Mbeya City  ina point  25 huku ikiwa nafasi ya 7  katika msimamo wa ligi kuu na tarehe 28 itashuka dimbani  kumenyana na Prison.

Comments

comments

LEAVE A REPLY

Please enter your comment!
Please enter your name here