Home Kitaifa Pointi 3 kutoka Mbao FC zaendelea kuiweka Simba kileleni VPL

Pointi 3 kutoka Mbao FC zaendelea kuiweka Simba kileleni VPL

3017
0
SHARE

img_4542

Goli pekee la Muzamiru Yassin dakika ya 86 limeipa Simba pointi tatu nyingine kwenye uwanja wa Uhuru jiji Dar es Salaam wakati wakipambana na timu iliyopanda ligi msimu huu Mbao FC kutoka jijini Mwanza.

img_4520

Licha ya ugeni wao kwenye ligi, Mbao FC ambao wamepanda ligi kuu msimu kwa mara ya kwanza waliweza kuhimili vishindo vya wakongwe wa ligi hiyo Simba na kuchelewesha ushindi wao hadi dakika ya 86.

img_4521

Blagnon ambaye aliingia kutokea benchi kuchukua nafasi ya Laudit Mavugo, alitoa pasi ya goli kwa Mzamiru Yassin ambaye alikandamiza mpira nyavuni na kufunga bao lake la pili tangu ajiunge na Simba.

img_4514

Mzamiru alifunga goli lake la kwanza ndani ya uzi wa Simba kwenye mechi iliyopita wakati Simba ilipocheza dhidi ya Kagera Sugar na kuifunga magoli 2-0 kwenye uwanja wa taifa.

img_4510

Ushindi wa leo ni wa nane katika mechi 10 ambazo Simba wamecheza hadi sasa huku ukiwa ni ushindi wa tatu mfululizo wakiwa wametoka sare katika michezo miwili na kutopoteza mechi hata moja. (Simba 3-1 Ndanda FC, JKT Ruvu 0-0 Simba, Simba 2-1 Ruvu Shooting, Simba 2-0 Mtibwa Sugar, Azam 0-1 Simba, Simba 4-0 Majimaji, Yanga 1-1 Simba, Mbeya City 0-2 Simba, Simba 2-0 Kagera Sugar na Simba 1-0 Mbao FC).

img_4524

Mchezo ujao wa Simba utakuwa dhidi ya Toto African ya Mwanza mchezo utakaopigwa kwenye uwanja wa Uhuru wakati Mbao wao watakuwa uwanja wa Sokoine kukabiliana na Tanzania Prisons.

img_4531

Comments

comments

LEAVE A REPLY

Please enter your comment!
Please enter your name here