Home Ligi EPL Usajili: Mourinho atuma ofa ya rekodi kumsajili Pogba 

Usajili: Mourinho atuma ofa ya rekodi kumsajili Pogba 

1264
0
SHARE

Baada ya kumalizika kwa ligi mbalimbali barani ulaya – kifuatacho sasa ni story za usajili katika vilabu mbalimbali – kubw ya leo ni kwamba klabu ya MANCHESTER UNITED imetuma ofa ya rekodi ya usajili ya Uingereza ya kiasi cha £60million kwenda Juventus kwa ajili ya usajili wa Paul Pogba.

 Gazeti la SunSport limefichua kwamba Jose Mourinho alipitisha uamuzi wa kutumwa kwa ofa hiyo wiki hii katika kujaribu kuwashinda Barcelona kwenye mbio za kumsaini kiungo huyo.

Mourinho anaripotiwa kumuona Pogba kama tofali lake la kwanza la kuijenga upya Man United, japokuwa Pogba aliondoka bure United miaka 4 iliyopita.

Ofa ya United ina malipo ya aina awamu mbili, awamu ya kwanza watalipa kiasi cha £48m na kinachobaki cha £12m kitakuwa viongezeko ambavyo United watavilipa kutokana na mafanikio ya Pogba katika uwepo wake ndani ya kikosi cha Mourinho.

Viongezeko hivyo vitalifanya dili kufikia kiasi cha £59.7m, kiasi cha fedha walicholipa United kwa ajili ya kumsaini Angel Di Maria in 2014.

 Mourinho ana rekodi ya kuwarudisha wachezaji katika klabu baada ya kuondoka, alitumia kiasi cha £25m kumsajili Nemanja Matic mwaka 2014, miaka mitatu baada ya klabu hiyo kumuuza akiwa kama kiongeza uzito wa dili la klabu hiyo kumsajili David Luiz.

Mabingwa wa Italia bado hawajajibu ofa ya United, lakini kadri siku zinavyoenda wanaona wazi wapo karibu kumpoteza staa wao.

Pogba amekuwa akitoa kauli za kuonyesha kwamba ameshashinda kila kitu na Juventus na sasa anahitaji changamoto mpya na hivyo kuondoka na option mojawapo.

Inaaminika Pogba ambaye kwasasa yupo nchini Ufaransa na timu yake ya taifa ya nchi hiyo kwa ajili ya Euro 2016 – amemuachia majukumu wakala wake Mino Raiola ambaye amekuwa akisikiliza ofa kutoka klabu mbalimbali kwa miezi takribani mitatu.

Comments

comments

LEAVE A REPLY

Please enter your comment!
Please enter your name here