Home Kitaifa EXCLUSIVE: SAMATTA ATOA KAULI NZITO KABLA YA KUIKABILI MALAWI

EXCLUSIVE: SAMATTA ATOA KAULI NZITO KABLA YA KUIKABILI MALAWI

449
0
SHARE
Mbwana Samatta, mshambuliaji wa timu ya Taifa ya Tanzania na klabu ya TP Mazembe ya nchini Congo DR
Mbwana Samatta, mshambuliaji wa timu ya Taifa ya Tanzania na klabu ya TP Mazembe ya nchini Congo DR

Mshambuliaji wa kimataifa wa Tanzania anaecheza soka la kulipwa kwenye klabu ya TP Mazembe ya nchini Congo DR amesema hatoshangaa endapo mashabiki wa soka nchini watawalaumu wachezaji wa Stars kwa kushindwa kuifunga Malawi kwenye mchezo wa leo.

Samata amesema Stars inabidi ishinde mchezo wake wa leo dhidi ya Malawi kwasababu viwango vya timu zote mbili vinalingana kwa kiasi kikubwa. Licha ya kusema Stars ni lazima ishinde mbele ya Malawi, lakini amesisitiza kuwa inabidi ishinde kwa idadi kubwa ya magoli huku yeye akikataa kuahidi chochote kwenye mchezo huo.

“Siwezi kuahidi chochote kwasababu ahadi ni deni na usipolitimiza ni dhambi, ila nadhani kwamba tunaenda kupambana na siichukulii Malawi kama Nigeria, nafikiri Malawi ni timu ya kiwango chetu na nita-appreciate watanzania kama watatulaumu kwanini hatujaifunga Malawi”, amesema Samatta ambaye tayari ameshafunga magoli sita baada ya kucheza mechi nane kwenye ligi ya vilabu bingwa barani Afrika.

“Lazima tuifunge Malawi hakuna matokeo mengine ambayo tunayataka na ni lazima tumfunge kwa idadi kubwa ya magoli, yani lazima iwe hivyo”, amesisitiza Samatta ambaye anatarajia kucheza fainali ya ligi ya mabingwa Afrika siku chache zijazo akiwa na TP Mazembe.

Bofya hapa chini kumsikiliza Samatta akifunguka kuelekea game kati ya Stars dhidi ya Malawi

Comments

comments

LEAVE A REPLY

Please enter your comment!
Please enter your name here